19 мая, Мінск /Кар. БЕЛТА/. Беларусь і Аман сталі ўжо не проста партнёрамі, а сябрамі. Аб гэтым Прэзідэнт Беларусі Аляксандр Лукашэнка заявіў на сустрэчы з наследным прынцам - міністрам культуры, моладзі і спорту Султаната Аман Зеязінам бен Хайтамам Аль Саідам, перадае карэспандэнт БЕЛТА.
Сярод удзельнікаў сустрэчы таксама прэзідэнт Аманскага інвестыцыйнага агенцтва Абдэльсалам Махамед аль-Муршыдзі.
"Мне здаецца, што ў выніку майго візіту ў вашу цудоўную краіну ў свой час мы сталі не проста партнёрамі, а ўжо сябрамі. Мы абменьваемся многімі прапановамі, па напрамку якіх можам выбудоўваць сваё супрацоўніцтва. Нам вельмі цікава ваша краіна", - сказаў кіраўнік дзяржавы.
Ён падкрэсліў, што перш за ўсё бакі працуюць над пытаннямі гандлёва-эканамічнага супрацоўніцтва. Для Беларусі асаблівую цікавасць уяўляе выкарыстанне партовай інфраструктуры Амана, каб сумесна развіваць гандаль і з іншымі краінамі, уключаючы Афрыку.