20 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з 555-годдзем аднойдзення цудатворнага Жыровіцкага абраза Божай Маці і 505-годдзем заснавання Свята-Успенскага Жыровіцкага стаўрапігіяльнага мужчынскага манастыра. Аб гэтым БЕЛТА паведамілі ў прэс-службе беларускага лідара.
"Больш як пяць стагоддзяў тут гучыць малітва аб дабрабыце роднай зямлі, а цудатворны абраз, ад якога зыходзіць гаючая сіла, прываблівае паломнікаў з усяго свету. Мільёны людзей набываюць надзею, дакранаючыся да святыні, і духоўна ўзбагачаюцца, наведваючы манастыр", - гаворыцца ў віншаванні.
Дзякуючы ўвазе дзяржавы, прафесіяналізму будаўнікоў і старанням свяшчэннаслужыцеляў манастыр стаў яшчэ прыгажэйшым і па праву з'яўляецца цэнтрам беларускага праваслаўя, адзначыў Прэзідэнт.
"Упэўнены, што гэта святое месца яшчэ доўгія гады будзе аб'ядноўваць хрысціян, садзейнічаць умацаванню міжканфесійнага міру і згоды ў грамадстве", - падкрэсліў Аляксандр Лукашэнка.
Кіраўнік дзяржавы пажадаў усім добрага здароўя, бязмежнай веры і поспехаў у працы ў імя працвітання роднай Беларусі.-0-