19 верасня, Мінск /Кар. БЕЛТА/. У МНС нагадалі аб фактарах небяспекі ў сувязі з узмацненнем ветру,
паведамляе БЕЛТА.Як расказалі ў ведамстве, сёння ў дзённыя гадзіны месцамі па рэспубліцы чакаецца ўзмацненне ветру парывамі 15-18 м/с, у сувязі з чым узнікае шэраг фактараў небяспекі. Сярод іх - пашкоджанне і абрыў ліній сувязі і электраперадач, парушэнне электразабеспячэння, адключэнне электрычных падстанцый, электраэнергіі ў населеных пунктах. Таксама магчыма пашкоджанне або абвальванне слаба ўмацаваных канструкцый, дахаў будынкаў, збудаванняў і падзенне дрэў.-0-