13 сакавіка, Мінск /Кар. БЕЛТА/. Абмежаванні на наведванне лясоў уведзены ў 57 раёнах Беларусі, у двух - забароны,
паведамляе БЕЛТА са спасылкай на інтэрактыўную карту Міністэрства лясной гаспадаркі.
Забароны на наведванне лясоў захоўваюцца ў Столінскім раёне Брэсцкай вобласці і Петрыкаўскім раёне Гомельскай вобласці.
Абмежаванні ўведзены ў Ганцавіцкім, Драгічынскім, Камянецкім, Лунінецкім раёнах Брэсцкай вобласці, Жлобінскім, Мазырскім, Акцябрскім, Рагачоўскім раёнах Гомельскай вобласці.
Свабоднымі для наведвання застаюцца Гродзенскі, Зэльвенскі, Слонімскі раёны Гродзенскай вобласці, Бярэзінскі, Валожынскі, Крупскі, Любанскі і Чэрвеньскі раёны Мінскай вобласці, а таксама Круглянскі, Мсціслаўскі і Шклоўскі раёны Магілёўскай вобласці і ўся тэрыторыя Віцебскага рэгіёна. Лясы ўсіх астатніх раёнаў абмежаваны для наведвання.
Аператыўна адсочваць даныя аб увядзенні мер абмежавальнага характару можна па размешчанай на афіцыйным сайце Мінлясгаса карце забарон і абмежаванняў на наведванне лясоў. Таксама інфармацыю можна ўдакладніць у мясцовых райвыканкамах і лесагаспадарчых установах. Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з актуальнай сітуацыяй.-0-