24 сакавіка, Мінск /Кар. БЕЛТА/. У Беларусі адзначаецца высокая інвестыцыйная актыўнасць. Аб гэтым гаворыцца ў штотыднёвым макрааглядзе Еўразійскага банка развіцця (ЕАБР),
паведамляе БЕЛТА.
"У Беларусі прадаўжаецца рост дзелавой актыўнасці. ВУП павялічыўся на 3,1 працэнта за студзень - люты 2025 года пасля 3,7 працэнта ў студзені 2025 года. Асноўнымі драйверамі росту застаюцца сектары, арыентаваныя на ўнутранае спажыванне і будаўніцтва: за студзень - люты рознічны тавараабарот павялічыўся на 10 працэнтаў, аб'ём падрадных работ вырас на 15,6 працэнта. Захоўваецца высокая інвестыцыйная актыўнасць: інвестыцыі ў асноўны капітал выраслі на 17,2 працэнта", - адзначылі ў ЕАБР.
Паводле прагнозаў аналітыкаў банка, у бягучым годзе ВУП Беларусі вырасце на 2,6 працэнта. Мэтавы арыенцір краіны - рост на 4,1 працэнта.-0-