Праграмай дзейнасці ўрада Беларусі на перыяд да 2025 года прадугледжана паслядоўнае павышэнне памеру аплаты працы педагагічных работнікаў. Міністэрствам адукацыі прымаюцца меры па рэалізацыі мерапрыемстваў праграмы,
паведамілі БЕЛТА ў прэс-службе ведамства.
Так, Міністэрствам адукацыі прынята пастанова ад 22 ліпеня 2024 года нумар 90 "Аб змяненні пастановы Міністэрства адукацыі Рэспублікі Беларусь ад 3 чэрвеня 2019 г. нумар 71".
З 1 верасня 2024 года пастановай нумар 90 прадугледжана павышэнне заработнай платы майстрам вытворчага навучання ўстаноў адукацыі на 15 працэнтаў ад акладу, бацькам-выхавальнікам дзіцячага дома сямейнага тыпу, прыёмным бацькам у прыёмных сем'ях на 25 працэнтаў ад акладу, работнікам аб'ектаў грамадскага харчавання (загадчык сталовай, шэф-повар, повар, кухонны рабочы, кладаўшчык) ва ўстановах адукацыі, якія арганізуюць харчаванне навучэнцаў самастойна на 50 працэнтаў ад акладу.-0-