14 студзеня, Мінск /Кар. БЕЛТА/. Больш за 400 адзінак тэхнікі і 3,4 тыс. работнікаў ЖКГ працуюць на вуліцах краіны,
паведамілі БЕЛТА ў Міністэрстве жыллёва-камунальнай гаспадаркі.
У Беларусі на 14 студзеня аб'яўлены аранжавы ўзровень небяспекі. У многіх раёнах краіны адзначаецца галалёд, на дарогах - галалёдзіца. Камунальныя службы прымаюць усе неабходныя меры для своечасовага ўстаранення абледзянення вулічна-дарожнай сеткі населеных пунктаў, адзначылі ў МЖГХ.
Па стане на 8.00, на вуліцах краіны працуюць 450 адзінак спецыяльнай камунальнай тэхнікі: 196 пескараскідальнікаў і солеразмеркавальнікаў, 180 снегаўборачных машын і 74 пагрузчыкі, машын для вывазу снегу і іншай тэхнікі. Працуюць больш за 3,4 тыс. работнікаў ЖКГ.-0-