9 красавіка, Мінск /Кар. БЕЛТА/. На палігонах і ўчастках мясцовасці ў Віцебскай, Гродзенскай, Брэсцкай і Магілёўскай абласцях з 9 па 11 красавіка пройдуць брыгадныя тактычныя вучэнні з баявой стральбой. Аб гэтым
БЕЛТА паведамілі ў прэс-службе Міністэрства абароны.
Падраздзяленні адпрацуюць абарончыя дзеянні: адбіццё наступлення ўмоўнага праціўніка, знішчэнне незаконных узброеных фарміраванняў і дыверсійна-разведвальных груп, нанясенне агнявога паражэння перадавым атрадам праціўніка і агнявой падтрымкі войскаў, якія абараняюцца.
Вучэнні стануць часткай комплекснай праверкі баявой гатоўнасці злучэнняў і воінскіх часцей Узброеных Сіл. Па яе выніках падраздзяленні ацэняць на прадмет здольнасці выконваць задачы па прызначэнні ў розных умовах і абстаноўцы.-0-