16 верасня, Мінск /Кар. БЕЛТА/. Адкрыццё другой сесіі Палаты прадстаўнікоў Нацыянальнага сходу Рэспублікі Беларусь восьмага склікання адбудзецца 17 верасня. Аб гэтым
БЕЛТА паведамілі ў прэс-службе Палаты прадстаўнікоў.
На пасяджэнні плануецца разгледзець праекты законаў "Аб змяненні законаў па пытаннях занятасці насельніцтва", "Аб акрэдытацыі ў Нацыянальнай сістэме акрэдытацыі Рэспублікі Беларусь", "Аб ратыфікацыі Пагаднення паміж Урадам Рэспублікі Беларусь і Урадам Расійскай Федэрацыі аб распрацоўцы і арганізацыі серыйнай вытворчасці двухрухавіковага лёгкага мнагамэтавага самалёта "Асвей", "Аб ратыфікацыі Пагаднення паміж Урадам Рэспублікі Беларусь і Урадам Расійскай Федэрацыі аб парадку прызнання электроннага подпісу (электроннага лічбавага подпісу) у электронным дакуменце пры трансгранічным электронным узаемадзеянні", "Аб змяненні кодэксаў па пытаннях крымінальнай адказнасці".
З 9.00 у холе Авальнай залы будзе дэманстравацца выстаўка матэрыялаў унікальнага навукова-папулярнага выдання "Беларусь адзіная", прысвечанага 85-годдзю ўз'яднання Заходняй Беларусі з БССР. Кніга выдадзена пры падтрымцы Палаты прадстаўнікоў, Міністэрства інфармацыі і Міністэрства культуры.-0-