9 лютага, Мінск /Кар. БЕЛТА/. Для якіх мэт зямельны ўчастак можа быць прадастаўлены ў прыватную ўласнасць,
расказалі БЕЛТА ў прэс-службе Дзяржаўнага камітэта па маёмасці.
У Беларусі грамадзянам могуць прадастаўляцца зямельныя ўчасткі для будаўніцтва і абслугоўвання жылога дома; кватэры ў блакіраваным жылым доме; вядзення асабістай падсобнай гаспадаркі; калектыўнага садоўніцтва; дачнага будаўніцтва.
У Дзяржкаммаёмасці адзначылі, што землі сельгаспрызначэння, прыродаахоўныя, рэкрэацыйныя, гісторыка-культурныя, ляснога і воднага фонду не падлягаюць перадачы ў прыватную ўласнасць. Поўны пералік прыведзены ў артыкуле 15 Кодэкса Рэспублікі Беларусь аб зямлі.-0-