30 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 30 снежня падпісаў указ нумар 475 "Аб кампенсацыі расходаў на набыццё кацельнага абсталявання, якое працуе на драўняных паліўных гранулах (пелетах)". Аб гэтым
БЕЛТА паведамілі ў прэс-службе беларускага лідара.
Дакумент прыняты ў мэтах павелічэння выкарыстання пелет насельніцтвам і прадугледжвае кампенсацыю 40 працэнтаў расходаў грамадзян (але не больш як 120 базавых велічынь) на набыццё адпаведнага кацельнага абсталявання, вырабленага прадпрыемствамі Беларусі і арганізацыямі дзяржаў - членаў Еўразійскага эканамічнага саюза.
Кампенсацыя расходаў будзе праводзіцца за кошт сродкаў мясцовых бюджэтаў аднаразова на набыццё кацельнага абсталявання для цеплазабеспячэння аднаго жылога дома, не забяспечанага цэнтралізаваным газазабеспячэннем і (або) цеплазабеспячэннем.
Асноўныя палажэнні ўказа ўступаюць у сілу праз шэсць месяцаў пасля афіцыйнага апублікавання.-0-