3 сакавіка, Мінск /Кар. БЕЛТА/. Аналітыкі Еўразійскага банка развіцця прагназуюць далейшы рост зарплат у Беларусі. Аб гэтым гаворыцца ў штотыднёвым мікрааглядзе ЕАБР,
паведамляе БЕЛТА.
У студзені бягучага года рэальная заработная плата ў Беларусі павялічылася на 13,5 працэнта пасля росту на 12,5 працэнта ў снежні. У бюджэтным сектары зарплаты выраслі на 13 працэнтаў, чаму садзейнічала павышэнне базавай стаўкі аплаты працы (на 6,7 працэнта) і дадатковыя надбаўкі для асобных катэгорый работнікаў. У пазабюджэтным сектары аплата працы расла ва ўсіх галінах, асабліва ў будаўніцтве (на 18,8 працэнта), сельскай гаспадарцы (на 17,5 працэнта) і гандлі (на 15 працэнтаў).
"Чакаецца далейшы рост зарплат на фоне высокай канкурэнцыі за кадры і прадугледжанага ў бюджэце павелічэння аплаты працы ў дзяржаўным сектары", - адзначылаі ў ЕАБР.-0-