29 верасня, Брэст /Кар. БЕЛТА/. Тэмы эканомікі, сацыяльнай сферы і народнай дыпламатыі знаходзяцца ў цэнтры ўвагі ХІІ Форуму гарадоў-пабрацімаў Беларусі і Расіі,
перадае карэспандэнт БЕЛТА.
Афіцыйная цырымонія адкрыцця мерапрыемства пройдзе 29 верасня, хоць фактычна работа дэлегацый пачалася на дзень раней, у тым ліку адбылося наведванне мемарыяльнага комплексу "Брэсцкая крэпасць-герой".
У час пленарнага пасяджэння і работы па секцыях на розных аб'ектах Брэста ўдзельнікі вялікую ўвагу ўдзеляць эканамічнаму і дзелавому супрацоўніцтву, беларуска-расійскаму ўзаемадзеянню з улікам сучасных рэалій і санкцыйнага націску. Будуць абмяркоўвацца таксама пытанні сацыяльнай палітыкі і народнай дыпламатыі, адукацыі і культуры. Плануецца наведванне Брэсцкага навукова-тэхнічнага парка, медыцынскага комплексу, Брэсцкага дзяржаўнага ўніверсітэта імя А.С. Пушкіна.
Больш за дзвесце чалавек прыбылі ўжо ў Брэст з розных рэгіёнаў Беларусі, а таксама расійскіх гарадоў, у тым ліку Хабараўска, Санкт-Пецярбурга, Краснадара, Падольска, Пскова.-0-