15 ліпеня, Мінск /Кар. БЕЛТА/. Большую частку вегетацыі лёну-даўгунцу ў Беларусі аграметэаралагічныя ўмовы складваліся спрыяльна,
паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Невысокі тэмпературны рэжым і дажджы садзейнічалі фарміраванню ўраджаю льновалакна. Па выніках праведзенага маршрутнага абследавання пасеваў, сярэдняя вышыня лёну ў бягучым годзе перавышае мінулагоднюю. На большасці агледжаных палёў стан ільну-даўгунцу добры", - расказалі ў Белгідрамеце.
Паводле даных аграметэаралогіі, пасля інтэнсіўных дажджоў і ветру на асобных агледжаных участках адзначана слабае паляганне. У паўночным рэгіёне месцамі назіралася частковае вымаканне пасеваў ільну. У Брэсцкай вобласці праводзіцца масавая ўборка лёну.-0-