Больш за 3 тыс. работнікаў дарожных арганізацый і каля 1,4 тыс. адзінак спецтэхнікі ўбіраюць снег на дарогах краіны,
паведамілі БЕЛТА ў прэс-службе Мінтранса Беларусі.
На рэспубліканскіх трасах задзейнічаны 1482 чалавекі і 565 машын, на мясцовых - 1525 і 825 адпаведна.
"Дарожнымі службамі праводзіцца ачыстка абочын, аўтобусных прыпынкаў, пляцовак адпачынку ўздоўж дарог. Усяго з пачатку снежнага цыклону (з 8 па 14 студзеня) для апрацоўкі праезнай часткі выкарыстана звыш 104 тыс. т процігалалёдных матэрыялаў", - праінфармавалі ў прэс-службе.
На расчыстцы чыгуначных пуцей і стрэлачных пераводаў працавалі больш за 1,4 тыс. чыгуначнікаў. Уборка снегу вядзецца таксама на пасажырскіх платформах станцый. Задзейнічаны 84 адзінкі снегаўборачнай тэхнікі і 12 снегаўборачных машын.