2 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка 2-4 чэрвеня зробіць візіт у Кітайскую Народную Рэспубліку. Аб гэтым
БЕЛТА паведамілі ў прэс-службе беларускага лідара.
У Пекіне пройдзе традыцыйная дружалюбная сямейная сустрэча беларускага лідара са Старшынёй КНР. Спачатку ў фармаце "сам-насам", а затым у нефармальнай абстаноўцы Аляксандр Лукашэнка і Сі Цзіньпін, як плануецца, абмяркуюць стан і перспектывы развіцця беларуска-кітайскіх адносін, іх максімальнае напаўненне практычным зместам за кошт рэалізацыі сумесных праектаў і пашырэння шматбаковых ініцыятыў.
У цэнтры ўвагі будуць таксама пытанні міжнароднага супрацоўніцтва.
Праграмай візіту запланаваны і шэраг іншых перагавораў і сустрэч.-0-