Прэзідэнт Беларусі Аляксандр Лукашэнка 18 жніўня падпісаў указ №275 "Аб развіцці аграэкатурызму". Аб гэтым
БЕЛТА паведамілі ў прэс-службе кіраўніка дзяржавы.
Дакумент зацвярджае палажэнне аб парадку ажыццяўлення дзейнасці па аказанні паслуг у сферы аграэкатурызму. У мэтах дзяржаўнай падтрымкі гэтага напрамку палажэннем прадугледжваецца прадаўжэнне льготнага крэдытавання суб'ектаў аграэкатурызму ААТ "Белаграпрамбанк" на неабмежаваны перыяд дзеяння.
Палажэнне выключае ліміты крэдытавання суб'ектаў аграэкатурызму і павялічвае тэрмін заключэння крэдытных дагавораў: з пяці да васьмі гадоў для сельскагаспадарчых арганізацый і з сямі да дзесяці гадоў - для фізічных асоб.
Змяняюцца падыходы да падтрымкі аграэкатурызму ў рэгіёнах, якія знаходзяцца далёка ад вялікіх населеных пунктаў, шляхам прадастаўлення магчымасці выплачваць спецыяльны збор (стаўка з 1 студзеня 2026 года - 45 рублёў) узамен падатку.
Акрамя таго, змяняецца сукупнасць умоў ажыццяўлення дзейнасці па аказанні паслуг у сферы аграэкатурызму ў частцы павелічэння колькасці жылых пакояў у аграэкасядзібах да 15 адзінак, а таксама пашыраецца пералік аказваемых паслуг.-0-