31 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка на Мінскай міжнароднай канферэнцыі па еўразійскай бяспецы прапанаваў прыняць міжнародны дакумент аб кіберненападзенні,
перадае карэспандэнт БЕЛТА.
Кіраўнік дзяржавы адзначыў, што ў кіберсферы бескантрольна развіваецца цэлая індустрыя, накіраваная на стварэнне і ўкараненне шкодных рашэнняў, якія прыводзяць да наступстваў глабальнага маштабу. "Неабходна прыняць міжнародны прававы акт аб кіберненападзенні, што прадугледжвае адмову ад прымянення адзін супраць аднаго гэтай зброі, а таксама фарміраванне сістэмы кантролю за яе распрацоўкай і выкарыстаннем", - падкрэсліў Прэзідэнт.-0-