18 жніўня, Мінск /Кар. БЕЛТА/. Дэпутаты Палаты прадстаўнікоў 18-24 жніўня працуюць у выбарчых акругах. Аб гэтым
БЕЛТА паведамілі ў прэс-службе Палаты прадстаўнікоў.
Парламентарыі ажыццявяць асабістыя прыёмы грамадзян і прадстаўнікоў юрыдычных асоб, правядуць інфармацыйныя сустрэчы ў працоўных калектывах і з насельніцтвам па месцы жыхарства. Тэма сустрэч - "Адукацыя і навука - рухаючая сіла грамадства і дзяржавы".
Дэпутаты прадоўжаць вывучэнне асартыменту тавараў і маніторынг цэн на сацыяльна значныя тавары на аб'ектах гандлю і ў арганізацыях сеткі Белкаапсаюза, а таксама лекавыя прэпараты ў розных аптэках і гандлёвых кропках.
Парламентарыі прааналізуюць пытанні, звязаныя з рэалізацыяй мясцовых грамадзянскіх ініцыятыў, мерапрыемстваў па навядзенні парадку на зямлі ў рамках Года добраўпарадкавання, арганізацыяй летняга аздараўлення дзяцей, падрыхтоўкай да пачатку новага навучальнага года і ходам уборачнай кампаніі.
Акрамя таго, дэпутаты прымуць удзел у мерапрыемствах у рамках праграмы міжнароднага і міжпарламенцкага супрацоўніцтва.-0-