У Беларусі медыянная заработная плата вырасла за год на Br292,7. Аб гэтым сведчаць даныя Нацыянальнага статыстычнага камітэта,
паведамляе БЕЛТА.
Паводле інфармацыі Белстата, медыянная заработная плата ў лістападзе 2024 года склала Br1792,2, тады як у лістападзе мінулага года яна была на ўзроўні Br1499,5. Такім чынам,за год медыянная заработная плата вырасла на Br292,7, або амаль на 20 працэнтаў.
Самая высокая медыянная зарплата ў горназдабыўной прамысловасці - Br4351,8. Далей ідуць сферы інфармацыі і сувязі - Br3472,3 і паветранага транспарту - Br3677,7.
Медыянная зарплата - гэты паказчык, які адлюстроўвае суму ў цэнтры зарплатнага рада і дзеліць яго на дзве роўныя часткі (палавіна работнікаў маюць заработак меншы за гэта значэнне, палавіна - большы). Даныя аб медыяннай зарплате работнікаў у Беларусі па відах эканамічнай дзейнасці публікуюцца двойчы ў год: па выніках за май і за лістапад.
Не варта блытаць медыянную зарплату з сярэдняй па краіне. Паказчык намінальнай налічанай сярэдняй зарплаты за лістапад 2024 года, паводле даных Белстата, складаў Br2331,8.-0-