16 студзеня, Мінск /Кар. БЕЛТА/. Акцыя "Нашы дзеці", якая праходзіла ў Беларусі з 15 снежня 2025 года па 14 студзеня 2026 года, ахапіла больш за мільён дзяцей. Аб гэтым на прэс-канферэнцыі паведаміла кансультант упраўлення выхаваўчай і сацыяльнай работы галоўнага ўпраўлення ідэалагічнай, выхаваўчай работы і маладзёжнай палітыкі Міністэрства адукацыі Алена Вайцяховіч,
перадае карэспандэнт БЕЛТА.
Паводле папярэдніх падлікаў, у рамках акцыі прайшло амаль 33 тыс. мерапрыемстваў. "Імі было ахоплена больш за мільён дзяцей", - падкрэсліла Алена Вайцяховіч.
Акрамя таго, паводле слоў кансультанта, у ходзе акцыі была прыцягнута значная колькасць грашовых сродкаў. "Аказана дапамога, у тым ліку матэрыяльная, перададзена абсталяванне і падарункі на агульную суму каля Br10 млн", - расказала яна.
Акцыя "Нашы дзеці", якая стала ўжо традыцыйнай для Беларусі, дае магчымасць прыцягнуць увагу да праблем дзяцінства, аказаць падтрымку найменш абароненым катэгорыям дзяцей і прадэманстраваць важнасць клопату аб іх. "Гэта ідэя падтрымліваецца на ўзроўні кіраўніцтва краіны і безумоўна з'яўляецца важнай", - падагульніла Алена Вайцяховіч.-0-