Міністэрства адукацыі вызначыла графік школьных канікулаў на 2026/27 навучальны год,
паведамляе БЕЛТА.
Асеннія канікулы прадоўжацца восем дзён - з 1 па 8 лістапада ўключна. Зімой дзеці змогуць адпачыць на працягу 17 дзён - з 25 снежня 2026 года па 10 студзеня 2027 года ўключна. Вясенні адпачынак разлічаны на восем дзён - з 21 па 28 сакавіка 2027 года ўключна. Самымі доўгімі традыцыйна будуць летнія канікулы - адпачываць дзеці будуць 92 дні (з 1 чэрвеня да 31 жніўня 2027 года). Тыя, хто завяршыў навучанне на ІІ ступені агульнай сярэдняй адукацыі, на канікулах будуць 81 дзень (з 12 чэрвеня па 31 жніўня 2027 года). Навучэнцы восьмых класаў кадэцкіх вучылішчаў, сувораўскага вучылішча, спецыялізаваных ліцэяў, а таксама дзесяцікласнікі (за выключэннем навучэнцаў спецыялізаваных па спорце класаў, вячэрніх класаў, санаторных школ, вучылішчаў алімпійскага рэзерву) адпачнуць летам 87 дзён (з 6 чэрвеня па 31 жніўня 2027 года).
Для навучэнцаў 1-2-х класаў (трэціх класаў - для навучэнцаў з асаблівасцямі псіхафізічнага развіцця з пяцігадовым тэрмінам навучання на I ступені агульнай сярэдняй адукацыі) у трэцяй чвэрці будуць арганізаваны дадатковыя зімовыя канікулы з 15 па 21 лютага 2027 года працягласцю сем дзён.
У 2026/27 навучальным годзе адукацыйны працэс будзе ажыццяўляцца па чвэрцях. Першая пройдзе з 1 верасня па 31 кастрычніка, другая - з 9 лістапада па 24 снежня, трэцяя - з 11 студзеня па 20 сакавіка 2027 года, чацвёртая - з 29 сакавіка па 31 мая 2027 года, а для навучэнцаў 9-11-х класаў - з 29 сакавіка па 25 мая 2027 года.-0-