15 жніўня, Мінск /Кар. БЕЛТА/. У Беларусі завяршаецца падпісанне пашпартоў гатоўнасці школ да новага навучальнага года, паведаміла журналістам намеснік начальніка галоўнага ўпраўлення агульнай сярэдняй і дашкольнай адукацыі - начальнік упраўлення агульнай сярэдняй адукацыі Міністэрства адукацыі Ірына Каржова,
перадае карэспандэнт БЕЛТА.
"Завяршаецца падпісанне пашпартоў гатоўнасці. Кропку ў падпісанні пашпартоў гатоўнасці ў адпаведнасці з пастановай урада мы павінны паставіць 20 жніўня", - сказала Ірына Каржова.
Міністэрствам адукацыі штодзённа маніторыцца гэты працэс. На сённяшні дзень колькасць зацверджаных пашпартоў гатоўнасці і пашпартоў гатоўнасці, гатовых да зацвярджэння, гэта значыць падпісаных усімі членамі камісіі, складае 95 працэнтаў. Падпісанне ідзе ў адпаведнасці з устаноўленым планам.
Плануецца, што 1 верасня дзверы расчыняць больш за 2,6 тыс. устаноў агульнай сярэдняй адукацыі. Чакаецца, што за парты сядуць каля 1 млн 50 тыс. навучэнцаў, з іх 90 тыс. - першакласнікі. Адкрываецца сем новых устаноў адукацыі.
"Сістэма адукацыі да пачатку навучальнага года гатова", - падкрэсліла Ірына Каржова.-0-