13 верасня, Мінск /Кар. БЕЛТА/. Міністэрства архітэктуры і будаўніцтва разглядае магчымасць спрашчэння падыходаў пры ўзвядзенні індывідуальных жылых дамоў юрыдычнымі асобамі, паведамілі БЕЛТА ў прэс-службе ведамства.
У Мінбудархітэктуры нагадалі, што ўказам нумар 202 "Аб спрошчаным парадку ўзвядзення і рэканструкцыі аб'ектаў будаўніцтва" прадугледжана, што такія аб'екты можна будаваць без атрымання дазволаў, без распрацоўкі праектнай дакументацыі і без далейшай прыёмкі іх у эксплуатацыю.
Цяпер для будаўніцтва або рэканструкцыі аднакватэрных жылых дамоў і гаспадарчых пабудоў у сельскіх населеных пунктах (за выключэннем размешчаных на тэрыторыі раёнаў, прылеглых да абласных цэнтраў і Мінска) грамадзянам дастаткова мець дакумент, які засведчвае права на зямельны ўчастак. А вось жадаючым пабудаваць дом паблізу Мінска і абласных цэнтраў неабходна атрымаць пашпарт забудоўшчыка.-0-