10 сакавіка, Мінск /Кар. БЕЛТА/. У Беларусі стартавала прафілактычнае мерапрыемства "Дом без пажару". Аб гэтым
карэспандэнту БЕЛТА паведамілі ў прэс-службе ведамства.
"У першы дзень работнікі МНС правялі адрасную прафілактычную работу ў многіх раёнах нашай краіны: наведалі грамадзян, праверылі выкананне патрабаванняў пажарнай бяспекі, нагадалі аб правілах бяспечных паводзін у быце, удзяліўшы ўвагу пытанням пакідання дзяцей без нагляду, небяспекі курэння ў памяшканнях для сну і праверцы стану пячнога ацяплення", - расказалі ў МНС.
Не засталося ўбаку і пытанне навядзення парадку на прысядзібнай тэрыторыі - ратавальнікі нагадалі вяскоўцам правілы бяспечнага развядзення вогнішча і расказалі аб недапушчальнасці выпальвання сухой расліннасці.
"Дом без пажару" будзе праходзіць з 8 па 12 сакавіка і закране рэгіёны, дзе назіраецца ўскладненне аператыўнай абстаноўкі з пажарамі і гібеллю людзей", - адзначылі ў прэс-службе.-0-