4 снежня, Мінск /Кар. БЕЛТА/. У Брэсце пад кіраўніцтвам старшыні Савета Рэспублікі Наталлі Качанавай 6 снежня адбудзецца выязное пасяджэнне Савета па ўзаемадзеянні органаў мясцовага самакіравання пры Савеце Рэспублікі "Аб сумеснай рабоце, праводзімай прыродаахоўнымі арганізацыямі, органамі мясцовага кіравання і самакіравання, а таксама іншымі дзяржаўнымі органамі, па эфектыўным выкарыстанні і ахове прыродных рэсурсаў". Аб гэтым БЕЛТА паведамілі ў прэс-службе верхняй палаты парламента.
У ліку ўдзельнікаў мерапрыемства - члены Савета Рэспублікі, дэпутаты Палаты прадстаўнікоў ад Брэсцкай вобласці, а таксама прадстаўнікі міністэрстваў прыродных рэсурсаў і аховы навакольнага асяроддзя, лясной гаспадаркі, аховы здароўя, навуковай грамадскасці і мясцовых органаў улады.-0-