Прэзідэнт Расіі Уладзімір Пуцін падтрымаў прапанову расійскага ўрада аб падпісанні з Беларуссю пагаднення аб узаемным выкананні судовых пастаноў, вынесеных судамі дзвюх краін. Адпаведнае распараджэнне кіраўніка расійскай дзяржавы апублікавана на расійскім афіцыйным прававым інтэрнэт-партале,
паведамляе БЕЛТА.
Прэзідэнт РФ даручыў Міністэрству юстыцыі пасля дасягнення дамоўленасці з беларускім бокам падпісаць гэта пагадненне.
Пагадненне датычыцца судовых пастаноў, вынесеных па грамадзянскіх і крымінальных справах у частцы грамадзянскага іска, які абавязвае даўжніка выплаціць спагнанніка грашовыя сродкі, у тым ліку ў частцы дзяржаўных пошлін, а таксама іншых судовых расходаў і працэсуальных выдаткаў.
Згодна з дакументам, судовыя пастановы адной краіны, якія падпадаюць пад пагадненне, не будуць патрабаваць спецыяльнай працэдуры прызнання ў іншай. Спрэчныя пытанні, якія датычацца тлумачэння і прымянення дакумента, будуць урэгуляваны шляхам перагавораў паміж Беларуссю і Расіяй.-0-