17 лютага, Мінск /Кар. БЕЛТА/. Ратавальнікі папярэджваюць аб рызыках галалёдзіцы на дарогах краіны,
паведамляе БЕЛТА.
Згодна з прагнозам Белгідрамета, сёння чакаецца пераменная воблачнасць, у асноўным без ападкаў, на асобных участках дарог - галалёдзіца. У сувязі з гэтым у МНС папярэджваюць аб такіх фактарах небяспекі, як павелічэнне рызык узнікнення ДТЗ і траўматызму насельніцтва, ускладненне руху транспарту, а таксама пашкоджанне ліній сувязі і электраперадачы.
Ратавальнікі заклікаюць грамадзян быць вельмі ўважлівымі і акуратнымі.-0-