13 студзеня, Мінск /Кар. БЕЛТА/. Ратавальнікі папярэдзілі аб фактарах небяспекі пры галалёдзіцы,
паведамляе БЕЛТА са спасылкай на МНС.
Паводле даных Белгідрамета, 13 студзеня на асобных участках дарог рэспублікі захаваецца галалёдзіца. Ратавальнікі абазначылі такія фактары небяспекі, звязаныя з гэтым, як затрымкі руху транспарту, павелічэнне верагоднасці ўзнікнення ДТЗ, рызыка траўматызму насельніцтва.
У цэлым па краіне будзе воблачна з праясненнямі, у многіх раёнах чакаецца невялікі снег. Вецер паўночны, паўночна-заходні 3-8 м/с. Тэмпература паветра - ад 0 да мінус 5 градусаў.-0-