Міністр замежных спраў Беларусі Максім Рыжанкоў 26 жніўня правёў сустрэчу з генеральным сакратаром СНД Сяргеем Лебедзевым. Аб гэтым карэспандэнту
БЕЛТА паведамілі ў прэс-службе беларускага знешнепалітычнага ведамства.
Субяседнікі абмеркавалі пытанні падрыхтоўкі да маючых адбыцца ў другім паўгоддзі пасяджэнняў Савета міністраў замежных спраў, Савета кіраўнікоў урадаў і Савета кіраўнікоў дзяржаў СНД.
Максім Рыжанкоў пацвердзіў, што супрацоўніцтва ў рамках СНД з'яўляецца адным з прыярытэтных вектараў беларускай знешняй палітыкі, падкрэсліўшы зацікаўленасць ва ўсебаковым пашырэнні ўзаемадзеяння ў палітычнай, эканамічнай, культурна-гуманітарнай сферах, а таксама ў галіне забеспячэння бяспекі.-0-