12 чэрвеня, Мінск /Кар. БЕЛТА/. Сёння беларускія школы і гімназіі пачынаюць прымаць дакументы ад бацькоў будучых першакласнікаў,
паведамляе БЕЛТА.
Прыём дакументаў для залічэння ў 1-я класы дзяцей, якія пражываюць на тэрыторыі мікрараёна, прымацаванага да ўстановы адукацыі, ажыццяўляецца з 12 чэрвеня па 15 жніўня. Бацькі будучых першакласнікаў падаюць заяву на імя дырэктара школы, медыцынскую даведку аб стане здароўя дзіцяці і пасведчанне аб нараджэнні.
У гэтыя ж тэрміны кіраўніком установы адукацыі або асобай, якая выконвае яго абавязкі, прымаюцца заявы на свабодныя месцы ад бацькоў дзяцей, якія не пражываюць у прымацаваным мікрараёне. Прыём такіх дзяцей на свабодныя месцы ў школы і гімназіі пройдзе ў парадку чарговасці рэгістрацыі заяў ад іх законных прадстаўнікоў. Астатнія дакументы, у выпадку, калі будзе прынята станоўчае рашэнне аб прыёме дзіцяці ў школу, трэба падаць з 16 жніўня па 28 жніўня.
Трэба памятаць, што дзеці, якія пражываюць у мікрараёне ўстановы адукацыі, маюць пераважнае права пры паступленні ў 1-ы клас.
Акрамя таго, сёння стартуе прыём дакументаў у 10-я класы беларускіх школ і гімназій. Прадоўжыцца ён да 17 жніўня. Бацькі прадастаўляюць пасведчанне аб нараджэнні або дакумент, які засведчвае асобу дзіцяці, медыцынскую даведку аб стане здароўя, арыгінал пасведчання аб агульнай базавай адукацыі, дакументы, якія пацвярджаюць права на льготы для паступлення ў профільны клас (пры іх наяўнасці).
У новым навучальным годзе ў Беларусі будуць працаваць 2627 дзяржаўных устаноў агульнай сярэдняй адукацыі, вучэбныя заняткі ў якіх пачнуць амаль 1,05 млн навучэнцаў, у тым ліку 90 тыс. першакласнікаў.-0-