8 жніўня, Мінск /Кар. БЕЛТА/.
Унесены змяненні ў спецыфічныя патрабаванні па забеспячэнні пажарнай бяспекі ў лясах. Гэта прадугледжвае пастанова Саўміна ад 6 жніўня 2024 г. нумар 579, дакумент афіцыйна апублікаваны на Нацыянальным прававым інтэрнэт-партале.
Дакумент уносіць змяненні ў пастанову Савета Міністраў ад 28 кастрычніка 2019 г. нумар 722.
У пастанове адзначаецца, што ў мэтах арганізацыі збору, апрацоўкі, абмену, ацэнкі і перадачы інфармацыі аб лясных пажарах у дзяржаўных вытворчых лесагаспадарчых аб'яднаннях рэспубліканскага органа дзяржаўнага кіравання па лясной гаспадарцы ствараюцца абласныя пункты кіравання. Патрабаванні да іх стварэння і работы вызначаюцца загадам Мінлясгаса.
Карэкціроўкі ўнесены ў некаторыя пункты і падпункты дакумента аб спецыфічных патрабаваннях па забеспячэнні пажарнай бяспекі ў лясах.
Пастанова ўступае ў сілу пасля яе афіцыйнага апублікавання.-0-