28 жніўня, Мінск /Кар. БЕЛТА/. У Беларусі намалацілі 8,8 млн тон збожжа. Аб гэтым
паведамілі БЕЛТА ў прэс-службе Міністэрства сельскай гаспадаркі і харчавання.
Паводле аператыўных даных на 28 жніўня, намалочана збожжавых з улікам рапсу 8819 тыс. т. У разрэзе абласцей намалочана: Мінская - 2361 тыс. т, Гродзенская - 1788 тыс. т, Брэсцкая - 1637 тыс. т, Магілёўская - 1109 тыс. т, Гомельская - 1055 тыс. т, Віцебская - 869 тыс. т.
Убрана культур на зерне (з улікам рапсу, без кукурузы) на 2397 тыс. га, што складае 97% ад агульнай плошчы 2432 тыс. га.
У лік дзяржзаказу пастаўлена: харчовага збожжа - 605 тыс. т (91% ад плана ў памеры 663 тыс. т), піваварнага ячменю - 92 тыс. т (107% ад плана ў памеры 86 тыс. т).
У краіне пачата масавая ўборка цукровых буракоў: убрана амаль 6% плошчаў, што складае больш як 6 тыс. га ад плана ў памеры 109 тыс. га. Накапана 251 тыс. т караняплода сярэдняй ураджайнасцю 397 ц/га. У разрэзе абласцей: Мінская - 153 тыс. т, Гродзенская - 80 тыс. т, Магілёўская - 18 тыс. т. Рэгіёны ўбіраюць тэмпамі, якія перавышаюць мінулагоднія.
Скошана траў другім укосам на 887 тыс. га - 88% ад плана ў памеры 1010 тыс. га.
Нарыхтавана сена 544 тыс. т - 76% ад плана, сіласу - 1008 тыс. т (5%). Травяных кармоў атрымана 3922 тыс. т кармавых адзінак (39%), сенажу - 12016 тыс. т (84%).
Наяўнасць мінеральных угнаенняў (азотных, фосфарных, калійных) пад азімую сяўбу - 262 тыс. т дзеючага рэчыва, што складае 152% да плана.-0-