27 сакавіка, Мінск /Кар. БЕЛТА/. У Беларусі пасеялі амаль чвэрць плошчаў ранніх яравых культур,
паведамілі БЕЛТА ў прэс-службе Мінсельгасхарча.
"Паводле аператыўных даных на 27 сакавіка, у краіне ранніх яравых збожжавых і зернебабовых культур (без кукурузы, грэчкі і проса) пасеяна на плошчы 127 тыс. га, што складае 23 працэнты ад агульнай плошчы пад сяўбу 552 тыс. га", - расказалі ў прэс-службе.
У разрэзе абласцей засеяна: у Брэсцкай - 60 тыс. га (71 працэнт ад плана), у Гродзенскай - 31 тыс. га (42 працэнты ад плана), у Мінскай - 14 тыс. га (19 працэнтаў ад плана), у Гомельскай - 13 тыс. га (14 працэнтаў ад плана), у Магілёўскай - 5 тыс. га (больш як 5 працэнтаў ад плана), у Віцебскай - больш як 3 тыс. га (3 працэнты ад плана).
Закрыццё вільгаці праведзена на плошчы 504 тыс. га, што складае 37 працэнтаў ад плана 1 млн 375 тыс. га.
Мінеральных угнаенняў (азотных, фосфарных, калійных) пад яравую сяўбу 2026 года назапашана 622 тыс. тон дзеючага рэчыва, што складае 74 працэнты ад плана. Арганічных угнаенняў пад яравую сяўбу вывезена 46 млн тон, унесена на палі 21 млн тон, што складае больш як 45 працэнтаў ад вывезенага.-0-