3 кастрычніка, Мінск /Кар. БЕЛТА/. У Беларусі завершана работа па стварэнні матрыц фінансавых кампетэнцый усіх узроставых груп насельніцтва,
паведамілі БЕЛТА ва ўпраўленні інфармацыі і грамадскіх сувязей Нацыянальнага банка.
ДУА "Акадэмія адукацыі" па заказе Нацыянальнага банка распрацавала матрыцу фінансавых кампетэнцый выхаванцаў устаноў дашкольнай адукацыі, у якой вызначаны эталонны набор кампетэнцый па фінансавай дасведчанасці ў дзвюх узроставых групах: ад чатырох да пяці гадоў і ад пяці да сямі гадоў. Падрыхтоўка матрыцы стала завяршальным этапам фарміравання стандартаў фінансавых кампетэнцый розных узроставых груп.
Так, у мінулым годзе Нацыянальным інстытутам адукацыі Міністэрства адукацыі была падрыхтавана матрыца фінансавых кампетэнцый вучняў агульнай сярэдняй адукацыі для трох ступеней адукацыі (I-IV класы, V-IX класы, X-XI класы), у 2020 годзе Інстытутам сацыялогіі НАН Беларусі была распрацавана карта фінансавых кампетэнцый дарослага насельніцтва.
Матрыцы дадуць магчымасць забяспечыць комплексны падыход пры ўкараненні элементаў фінансавай дасведчанасці ў стандарты сістэмы адукацыі, а таксама стануць асновай для правядзення аб'ектыўнай ацэнкі ўзроўню фінансавай дасведчанасці ўсіх узроставых груп насельніцтва. Таксама матрыцы могуць быць базай для падрыхтоўкі навучальных мерапрыемстваў.-0-