У Беларусі з пачатку года працуе карта "Даступнае асяроддзе". Ці карыстаецца яна папулярнасцю?

5 снежня, Мінск /Кар. БЕЛТА/. Намеснік начальніка ўпраўлення па справах інвалідаў Міністэрства працы і сацыяльнай абароны Ева Зубкоўская ў праекце БЕЛТА "Краіна гаворыць" расказала, ці карыстаецца папулярнасцю карта "Даступнае асяроддзе".

З пачатку 2025 года пачала работу карта "Даступнае асяроддзе". Яна размяшчаецца на публічнай кадастравай карце, якая знаходзіцца ў свабодным доступе ў інтэрнэце. "Туды можна зайсці без логінаў і пароляў, выбраць дадатковы пласт "Даступнае асяроддзе" і ўвесці ў пошукавы радок неабходны адрас аб'екта, які цікавіць. Там адлюстроўваюцца ўсе даступныя аб'екты - зялёным колерам, жоўтым падсвечваюцца аб'екты часткова даступныя. Знайшоўшы патрэбны аб'ект можна ўбачыць усе элементы даступнага асяроддзя, якія непасрэдна ёсць на гэтым аб'екце", - растлумачыла Ева Зубкоўская.

На партале сацыяльнай абароны Беларусі можна больш падрабязна паглядзець, якія элементы даступнага асяроддзя непасрэдна размяшчаюцца на гэтым аб'екце па функцыянальных зонах: ці ёсць паркоўка для спецыяльнага аўтатранспарту, накіроўваючыя тактыльныя элементы, тое ж самае датычыцца ўваходнай групы і ўжо непасрэдна ўнутры будынка - наяўнасць санвузла для людзей з інваліднасцю і гэтак далей.

"Людзі наведваюць даволі часта гэты рэсурс. Але разам з тым пакуль яшчэ ён не да канца напоўнены. У цэлым, гэта сацыяльна значны і вельмі перспектыўны праект. Разлічваем на тое, што ён будзе вельмі актыўна развівацца з улікам патрэбнасцей людзей з інваліднасцю", - рэзюмавала эксперт.-0-

*Праект створаны за кошт сродкаў мэтавага збору на вытворчасць нацыянальнага кантэнту.