У Беларусі засеяна чвэрць плошчаў яравых культур

"Паводле аператыўных даных на 10 красавіка, у краіне яравых культур усяго пасеяна на плошчы 577 тыс. га, што складае 25 працэнтаў ад агульнай плошчы пад сяўбу ў 2295 тыс. га", - расказалі ў прэс-службе.

У разрэзе абласцей засеяна: у Брэсцкай - 132 тыс. га (32 працэнты ад плана), у Гродзенскай - 117 тыс. га (35 працэнтаў), у Мінскай - 103 тыс. га (21 працэнт), у Гомельскай - 90 тыс. га (22 працэнты), у Магілёўскай - 74 тыс. га (22 працэнты), у Віцебскай - 61 тыс. га (19 працэнтаў ад плана).

Лён-даўгунец пасеяны на плошчы 18 тыс. га, што складае 37 працэнтаў ад плана ў 50 тыс. га.

Цукровыя буракі пасеяны на плошчы больш як 40 тыс. га - 38 працэнтаў ад планавых плошчаў у 106 тыс. га.

Закрыццё вільгаці ажыццёўлена на плошчы 1154 тыс. га, што складае 84 працэнты ад плана ў 1375 тыс. га.

Мінеральных угнаенняў (азотных, фосфарных, калійных) пад яравую сяўбу 2026 года назапашана 709 тыс. тон дзеючага рэчыва, што складае 85 працэнтаў ад плана. Арганічных угнаенняў пад яравую сяўбу ўнесена 30 млн тон, што складае 60 працэнтаў ад вывезенага.-0-