14 студзеня, Мінск /Кар. БЕЛТА/. Парадак адмены завяшчання зменены ў Беларусі,
паведамляе БЕЛТА са спасылкай на прэс-службу Міністэрства юстыцыі.
"З 19 лістапада 2024 года зменены спосабы адмены завяшчання. Выключана адмена завяшчання шляхам знішчэння ўсіх яго экзэмпляраў завяшчальнікам і ўстаноўлены новы спосаб - шляхам засведчання распараджэння аб адмене завяшчання", - паведамілі ў міністэрстве.
Тлумачыцца, што сёння знішчэнне ўсіх экзэмпляраў завяшчання дапускаецца толькі натарыусам пры ўмове прадастаўлення завяшчальнікам экзэмпляра завяшчання, што захоўваецца ў яго. Такі падыход выключае магчымасць незнішчэння завяшчання завяшчальнікам і ўзнікненне спрэчных сітуацый пры далейшым прад'яўленні натарыусу такога завяшчання наследнікамі.
За засведчаннем распараджэння аб адмене завяшчання завяшчальнік мае права звярнуцца да любога натарыуса. Распараджэнне аб адмене завяшчання складаецца ў двух экзэмплярах і падпісваецца ўласнаручна завяшчальнікам у прысутнасці натарыуса.-0-