11 сакавіка, Мінск /Кар. БЕЛТА/. З 11 па 20 сакавіка Дзяржаўтаінспекцыя правядзе прафілактычныя мерапрыемствы, накіраваныя на павышэнне бяспекі пасажыраперавозак маршрутнымі таксі. Аб гэтым
БЕЛТА паведамілі ў МУС.
Інспектары ДПС сканцэнтруюцца на спыненні фактаў эксплуатацыі няспраўных мікрааўтобусаў і выяўленні непрышпіленых пасажыраў у міжгародніх і прыгарадных зносінах.
У выпадку парушэння парадку допуску вадзіцеляў і транспарту да работы кіраўнікі арганізацый будуць прыцягвацца да адміністрацыйнай адказнасці.
У снежні 2024 года супрацоўнікамі ДАІ праверана больш як 7,5 тыс. аўтобусаў, пры гэтым выяўлена звыш 2,5 тыс. розных парушэнняў, за эксплуатацыю няспраўнага транспарту да адміністрацыйнай адказнасці прыцягнуты 111 службовых асоб.
Праваахоўнікі нагадваюць аб адказнасці перавозчыкаў за жыццё і здароўе пасажыраў, неабходнасці строгага выканання ўстаноўленых правіл усімі ўдзельнікамі дарожнага руху.-0-