30 красавіка, Мінск /Кар. БЕЛТА/. Як беларусы будуць працаваць і адпачываць у маі,
паведамілі БЕЛТА ў прэс-службе Міністэрства працы і сацыяльнай абароны.
У ведамстве нагадалі, што ў маі выпадаюць два святочныя дні: Свята працы (1 мая) і Дзень Перамогі (9 мая). Гэтя даты ў нашай краіне прызнаны афіцыйнымі выхаднымі.
У адпаведнасці з вытворчым календаром у беларусаў у маі пры шасцідзённым рабочым тыдні будзе 25 рабочых дзён, уключаючы адзін перадсвяточны, а пры пяцідзённым - 20 рабочых дзён, таксама з адным перадсвяточным. Выхаднымі днямі пры пяцідзённым рабочым тыдні з'яўляюцца: 1, 3-4, 9-11, 17-18, 24-25 і 31 мая.
Разліковая норма рабочага часу ў апошнім месяцы вясны пры 40-гадзінным рабочым тыдні складзе для пяцідзённага рабочага тыдня з выхаднымі ў суботу і нядзелю - 159 гадзін, а для шасцідзённага рабочага тыдня з выхадным днём у нядзелю - 164 гадзіны.
У Мінпрацы таксама нагадалі, што разліковая норма рабочага часу ўстаноўлена пастановай Мінпрацы ад 15 лістапада 2024 года нумар 92 "Аб устанаўленні разліковай нормы рабочага часу на 2025 год".-0-