21 ліпеня, Мінск /Кар. БЕЛТА/. У Міністэрстве па надзвычайных сітуацыях нагадалі пра фактары небяспекі пры тумане і навальніцах,
паведамляе БЕЛТА са спасылкай на МНС.
Паводле даных сіноптыкаў, у Беларусі 21 ліпеня раніцай месцамі чакаецца туман, днём у асобных раёнах магчымы навальніцы.
У такое надвор'е павышаецца верагоднасць зніжэння бачнасці, цяжкасці руху транспарту, павелічэнне верагоднасці дарожна-транспартных здарэнняў. Могуць адбывацца пашкоджанні (абрывы) ліній сувязі і электраперадачы, адключэнні электрычных падстанцый, электраэнергіі ў населеных пунктах, узнікнуць лясныя пажары, а таксама пажары ў жылых і вытворчых будынках.-0-