3 мая, Мінск /Кар. БЕЛТА/. Усебеларускі дыктант "Я раскажу пра Перамогу" будзе праходзіць сёння на працягу дня ў школах і ўстановах сярэдняй спецыяльнай адукацыі,
паведамляе БЕЛТА са спасылкай на Рэспубліканскі цэнтр экалогіі і краязнаўства.
Усебеларускі дыктант арганізаваны як цэнтральнае мерапрыемства Усебеларускага патрыятычнага праекта "Памяць пакаленняў у імя будучыні" і прысвечаны 80-й гадавіне вызвалення Беларусі ад нямецка-фашысцкіх захопнікаў.
Дыктант праводзіцца з мэтай захавання памяці аб Вялікай Айчыннай вайне, павышэння гістарычнай дасведчанасці і патрыятычнага патэнцыялу дзяцей і навучэнскай моладзі.
Дыктант будзе праходзіць у форме дыктавання тэматычнага тэксту настаўнікам для вучняў І, ІІ, ІІІ ступеней.
Як расказала раней дырэктар Рэспубліканскага цэнтра экалогіі і краязнаўства Алена Ануфровіч на прэс-канферэнцыі ў прэс-цэнтры БЕЛТА, праект "Памяць пакаленняў у імя будучыні" стартаваў 27 лютага каля помніка батальёну міліцыі капітана К.Р. Уладзімірава ў вёсцы Гаі Магілёўскай вобласці. Разам з тым старты праекту былі дадзены па ўсёй краіне. Практычна ва ўсіх кутках Беларусі ва ўстановах адукацыі адбыліся ўрачыстыя лінейкі і вахты памяці каля помнікаў і абеліскаў.
У ходзе праекта рэалізоўваліся іншыя значныя мерапрыемствы. Адно з іх - рэспубліканская акцыя "Гісторыя Перамогі ў асобах". Яна прадугледжвала збор і вывучэнне матэрыялаў аб удзельніках Вялікай Айчыннай вайны, якія пражывалі або пражываюць у іх населеным пункце. Гэта вялікая пошукавая работа - экспедыцыі, сустрэчы з удзельнікамі падзей і іх сваякамі. У дапаўненне - асветная дзейнасць, добраўпарадкаванне пахаванняў і памятных мясцін.
Арганізатары праекта - Рэспубліканскі цэнтр экалогіі і краязнаўства сумесна з Акадэміяй адукацыі пры падтрымцы Міністэрства адукацыі.-0-