4 лютага, Мінск /Кар. БЕЛТА/. Пастановай Міністэрства сельскай гаспадаркі і харчавання ад 27 студзеня 2026 года нумар 8 устаноўлены надбаўкі да закупачных цэн на сельскагаспадарчую прадукцыю, якая закупляецца ў насельніцтва, у 2026 годзе. Аб гэтым
БЕЛТА паведамляе са спасылкай на Нацыянальны прававы інтэрнэт-партал.
Памер надбавак (у беларускіх рублях) за 1 кг прадукцыі складзе: 0,11 - малако сырое каровіна базіснай тлустасці, пастаўляемае арганізацыям, якія ажыццяўляюць перапрацоўку прадукцыі сельскай гаспадаркі для вытворчасці малочных прадуктаў; 1,10 - маладняк буйной рагатай жывёлы жывой вагой да 100 кг, закупляемы арганізацыямі для вырошчвання; 0,60 - буйная рагатая жывёла жывой вагой, закупляемая арганізацыямі, якія ажыццяўляюць перапрацоўку мяса.
Пастанова ўступае ў сілу пасля афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2026 года.-0-