Міністэрства сельскай гаспадаркі і харчавання Беларусі скарэкціравала памеры надбавак, якія ўстанаўліваюцца работнікам бюджэтных арганізацый аграрнага сектара. Гэта прадугледжана пастановай Міністэрства ад 10 ліпеня 2025 года нумар 59, што апублікавана на Нацыянальным прававым інтэрнэт-партале,
паведамілі БЕЛТА ў Мінсельгасхарчы.
Змяненні ўнесены ў пастанову Міністэрства сельскай гаспадаркі і харчавання Беларусі ад 19 чэрвеня 2019 года нумар 36.
Як адзначылі ў міністэрстве, павялічаны памер надбаўкі за спецыфіку ветэрынарнай дзейнасці са 110 працэнтаў да 155 працэнтаў акладу. Гэта надбаўка мае адрасную накіраванасць і ўстанаўліваецца для ветэрынарных работнікаў бюджэтных арганізацый незалежна ад іх ведамаснай падпарадкаванасці.
Акрамя таго, павялічаны памеры сродкаў, якія прадугледжваюцца ў адпаведных бюджэтах на ўстанаўленне надбавак за складанасць і напружанасць кіраўнікам, спецыялістам і іншым служачым, а таксама за характар працы рабочым у бюджэтных арганізацыях. Напрыклад, калі раней на ўстанаўленне надбаўкі за складанасць і напружанасць кіраўнікам, спецыялістам і іншым служачым, а таксама за характар працы рабочым бюджэтных арганізацый дзяржаўнай ветэрынарнай службы, якія ўтрымліваюцца за кошт сродкаў мясцовых бюджэтаў, накіроўваліся сродкі ў памеры 90 працэнтаў ад сумы іх акладаў, то цяпер - 120 працэнтаў.
Пастанова распаўсюджвае сваё дзеянне на адносіны, якія ўзніклі з 1 ліпеня 2025 года.-0-