27 снежня, Мінск /Кар. БЕЛТА/. У Белавежскай пушчы ўведзена забарона палявання на ваўка,
паведамілі БЕЛТА ў Нацыянальным парку.
Забарона дзейнічае да 1 студзеня 2027 года і распаўсюджваецца на тэрыторыю пушчы, якая адносіцца да аб'екта Сусветнай спадчыны ЮНЕСКА (больш за 82 тыс. га).
Рашэнне аб забароне палявання на ваўка прынята ў адпаведнасці з рэкамендацыямі Камітэта Сусветнай спадчыны ЮНЕСКА, Камітэта міністраў Савета Еўропы і Камітэта Бернскай канвенцыі, абапіраючыся ў тым ліку на вопыт нацпарка па ўвядзенні мараторыя палявання на ваўка ў 2015-2017 гадах.
"Прыняцце забароны палявання на ваўка з'яўляецца важным крокам у справе захавання прыроднай спадчыны, падтрымання здароўя і балансу натуральных экасістэм і яшчэ раз даказвае прыхільнасць дырэкцыі Белавежскай пушчы да ідэй запаведнасці ў Нацыянальным парку", - расказалі ў нацпарку.-0-