2 верасня, Мінск /Кар. БЕЛТА/. Забароны і абмежаванні на наведванне лясоў дзейнічаюць ва ўсіх раёнах Беларусі, акрамя чатырох. Аб гэтым
паведамляе БЕЛТА са спасылкай на інтэрактыўную карту Мінлясгаса.
Наведванне лясоў не абмежавана ў Браслаўскім, Верхнядзвінскім, Мёрскім і Шаркаўшчынскім раёнах Віцебскай вобласці. У астатніх раёнах Віцебскай, а таксама на ўсёй тэрыторыі Гродзенскай вобласці дзейнічаюць абмежаванні. У Гомельскай вобласці наведванне лясоў пад забаронай ва ўсіх раёнах. У Мінскай, Брэсцкай і Магілёўскай абласцях ва ўсіх раёнах уведзены або забароны, або абмежаванні на наведванне лясоў.
Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з актуальнай сітуацыяй.-0-