23 ліпеня, Мінск /Кар. БЕЛТА/. Абмежаванні на наведванне лясоў дзейнічаюць у 88 раёнах Беларусі, паведамляе БЕЛТА са спасылкай на інтэрактыўную карту Мінлясгаса.
Наведванне лясоў абмежавана ва ўсіх раёнах Гродзенскай, Брэсцкай і Гомельскай абласцей.
Жоўтым колерам адзначана большасць лясоў Мінскай і Магілёўскай абласцей. Пры гэтым да наведвання дазволены лясы Вілейскага, Дзяржынскага, Крупскага, Мінскага, Мядзельскага, Смалявіцкага раёнаў Мінскай вобласці, а таксама Горацкага, Дрыбінскага, Клімавіцкага, Крычаўскага, Магілёўскага, Мсціслаўскага і Чавускага раёнаў Магілёўскай вобласці.
Абмежаванні на наведванні лясоў дзейнічаюць у Верхнядзвінскім, Мёрскім, Полацкім, Гарадоцкім і Сенненскім раёнах Віцебскай вобласці.
На працягу дня ў сувязі з усталяваным гарачым надвор'ем сітуацыя можа мяняцца. Атрымаць даныя аб прынятых мерах абмежавальнага характару можна на афіцыйным сайце ведамства.-0-
