26 ліпеня, Мінск /Кар. БЕЛТА/. Абмежаванні на наведванне лясоў дзейнічаюць у большасці раёнаў Беларусі. Аб гэтым паведамляе БЕЛТА са спасылкай на інтэрактыўную карту Мінлясгаса.
У Гомельскай і Магілёўскай абласцях наведванне лясоў абмежавана ва ўсіх раёнах. У Мінскай вобласці абмежаванні дзейнічаюць ва ўсіх лясах, акрамя Валожынскага, а на наведванне лясоў Стаўбцоўскага раёна ўведзена забарона. Наведваць лясы без абмежаванняў у Віцебскай вобласці можна толькі ў Пастаўскім і Шаркаўшчынскім раёнах.
Пры гэтым у Гродзенскай вобласці абмежавана наведванне лясоў Воранаўскага, Іўеўскага, Карэліцкага, Лідскага і Навагрудскага раёнаў, а ў Брэсцкай - Ганцавіцкага і Лунінецкага раёнаў.
Абмежаванні ўведзены ў сувязі з устанаўленнем трэцяга класа пажаранебяспекі. Гэта азначае, што лес даступны толькі для пешых прагулак, заязджаць у яго нельга.
На працягу дня сітуацыя можа мяняцца. Атрымаць даныя аб прынятых мерах абмежавальнага характару можна на афіцыйным сайце ведамства.-0-
