6 мая, Мінск /Кар. БЕЛТА/. Адвакаты Беларусі бясплатна пракансультуюць малазабяспечаных грамадзян 8 мая. Акцыя прымеркавана да Дня Перамогі і пройдзе ва ўсіх тэрытарыяльных калегіях адвакатаў, паведаміла БЕЛТА прэс-сакратар Беларускай рэспубліканскай калегіі адвакатаў Ірына Рэўт.
Акцыя пройдзе ў форме вусных кансультацый па пытаннях, якія не звязаны з прадпрымальніцкай дзейнасцю і не патрабуюць азнаямлення з дакументамі. Больш падрабязна з інфармацыяй аб правядзенні акцыі ў кожным рэгіёне можна будзе азнаёміцца на сайтах тэрытарыяльных калегій адвакатаў.
У БРКА адзначылі, што ў гэтым годзе адвакаты таксама правядуць бясплатныя кансультацыі 26 чэрвеня - з нагоды Дня ўтварэння адвакатуры Беларусі, 1 кастрычніка - Дня пажылых людзей і 5 снежня - Дня юрыста.-0-
