14 жніўня, Мінск /Кар. БЕЛТА/. Аграрыі сабралі больш за 7,2 млн т збожжа з улікам рапсу, паведамілі БЕЛТА ў Міністэрстве сельскай гаспадаркі і харчавання.
Паводле даных на 14 жніўня, сабрана збожжа (з улікам рапсу) 7282 тыс. т, у тым ліку звыш 6222 тыс. т збожжавых і зернебабовых культур (убрана 89,6 працэнта плошчаў, ураджайнасць - 33,5 ц/га) і 1060 тыс. т рапсу (90,4 працэнта да ўборачнай плошчы, ураджайнасць - 29,4 ц/га). Па ўкладзе ў агульную скарбонку збожжа з улікам рапсу па-ранейшаму лідзіруюць гаспадаркі Мінскай вобласці - больш за 1939 тыс. т. У тройцы перадавікоў - Гродзенскі (1688,4 тыс. т) і Брэсцкі (1553,2 тыс. т) рэгіёны.
Паралельна з уборкай ідзе церабленне лёну. Выцераблена 42,8 тыс. га (96,6 працэнта плошчаў, якія падлягаюць уборцы).-0-
